RECOMENDACIÓNS PARA A CORENTENA
Estimadas familias,
As mestras de Educación Infantil queremos que saibades que nestes tempos de corentena estaremos á vosa disposición para facer que este periodo sexa o mais levadeiro posible.
Ademáis das recomendacións que xa vos fixemos chegar a pasada semana hoxe queremos que teñades en conta estas RECOMENDACIÓNS que nos fan dende o DEPARTAMENTO DE ORIENTACIÓN do noso colexio.
Nas próximas
semanas a vida vai cambiar bastante respecto ao que os vosos fillos e fillas
están afeitos. As seguintes recomendacións poden axudarvos a facer menos duro
este tempo de confinamento:
• É moi importante establecer
unha rutina diaria (aos nenos e
nenas dalles seguridade e aos adultos facilítanos a convivencia): Sería
interesante elaborar un horario e
poñelo nun lugar visible, onde se contemplen todas as actividades que se van
realizar no día. A elaboración do horario xa é unha actividade en sí mesma, na
que os nenos e nenas poden e deben colaborar.
• Utilizade as novas
tecnoloxías con sentido común, entendendo que son un recurso, pero establecendo
un tempo coherente de uso das pantallas.
• A permanencia dentro da
casa non debe implicar a eliminación de actividade
física. É importante moverse a diario. Unha idea, que pode ser divertida
para facer en familia, é facer unha lista de cancións de música variada e
bailar xuntos: pode ser baile libre ou que cada persoa "guíe" o baile
dunha canción e o resto teñan que imitar os seus movementos. Seguro que se vos
ocurren outras moitas ideas e aos vosos fillos e fillas aínda máis!
• Darlles a oportunidade aos
nenos e nenas de colaborar nas tarefas da casa, de compartir responsabilidades,
de acompañar (aínda que sexa telefónicamente) a persoas do seu entorno,...., en
definitiva, de sentirse útiles e
valorados, pode axudarlles a sentirse mellor neste tempo de confinamento.
• É importante que sexamos
conscientes de que estamos nunha situación descoñecida e que é probable que
todos e todas (tamén os nenos e nenas) pasemos por diferentes fases a nivel
emocional: enfado, tristeza, medo,..., que poden dar lugar a comportamentos
inadecuados. Sabede que é normal e intentade ser moi pacientes e empáticos (á
vez que correxides os ditos
comportamentos se é preciso).
• É probable que sexa unha
tempada dura, pero temos a capacidade de superala e tamén de aprender moito: de
nós mesmas/os, dos nosos seres queridos, da sociedade na que vivimos, do que é
realmente importante nas nosas vidas.... Ademais, podemos aproveitar para
facer moitas cousas que os horarios habituais de traballo non nos permiten: xogar, falar, ler xuntos, bailar,...
• Se me permitides un
consello: utilizade moito o sentido do
humor e intentade centrarvos no positivo que poidan ter estes
momentos.
Un saúdo e moito ánimo!
*
Para calquera comunicación co Departamento de
Orientación, podedes escribir ao correo: mjfreiref@edu.xunta.es
Periódicamente colgaremos suxerencias, actividades, recursos...que poderedes facer cos vosos fillos e fillas na casa. Por aquí podedes contarnos como vos vai e responderemos a calquera cousiña que nos vaiades comentando. Tamén podedes contactar con nós a través do correo profesdeinfantil1@gmail.com e na medida do posible iremos dando resposta a todas as dúbidas que nos plantexedes ou achegas que nos queirades facer.
Esperamos vervos pronto!
Comentarios
Publicar un comentario